Давлат геология ва минерал ресурслар қўмитаси  9 декабрь – Халқаро коррупцияга қарши курашиш куни арафасида ISO 37001:2016 халқаро стандартига (Коррупцияга қарши курашиш менежменти тизими) мувофиқлик сертификатини қўлга киритди. 

Бугун қўмитада мазкур сана муносабати билан Коррупцияга қарши курашиш агентлиги,  Бош прокуратура ва  “CERT International” халқаро аудиторлик компанияси  масуъл ходимлари иштирокида ўтказилган тадбирда бу ҳақда маълум қилинди. 

Тадбирда дастлаб Агентлик масуъл ходими Н.Самандарова томонидан мамлакатимизда  коррупцияга қарши кураш соҳасида амалга оширилаётган ислоҳотлар ва Агентликнинг ваколатлари тўғрисида тақдимот қилинди. 

Тақдимот мобайнида Агентлик вакили коррупцияга қарши ички назорат тузилмалари (“комплаенс-назорат”) коррупция ҳолатларини барвақт аниқлаш ва олдини олиш, уларнинг сабаб ва шарт-шароитларини бартараф этиш чораларини кўришда қисқа вақт ичида ўзининг муҳим аҳамияти ва самарасини амалда намоён этаётганиyb алоҳида қайд этди. 

"O`zDST 37001:2019 миллий стандарти"халқаро стандарт талабларига мувофиқ “CERT International” халқаро тренинг компанияси мутахассислари томонидан қўмитанинг коррупцияга қарши кураш менежмент тизими аудитдан муваффақиятли ўтганлиги ҳам бунинг ўзига хос далолатидир. 

Тадбирда  “CERT International” халқаро тренинг компанияси вакили томонидан қўмитага мазкур сертификатлар тақдим этилди.

Коррупцияга қарши курашиш агентлиги

Ахборот хизмати