9 декабрь — Халқаро коррупцияга қарши курашиш кунига бағишлаб “Аксилкоррупция ҳафталиги” доирасида “Ўзкомназорат” Давлат инспекциясида фуқаролар, жамоатчилик фаоллари, оммавий ахборот воситалари вакиллари иштирокида “Очиқ эшиклар куни” тадбири ўтказилди.

Унда Коррупцияга қарши курашиш агентлиги масъул ходими ҳам иштирок этди.

Маълумот ўрнида айтиш жоизки, ўтган йилнинг 24 июнида Коррупцияга қарши курашиш агентлиги ва “Ўзкомназорат” Давлат инспекцияси ўртасида меморандум имзоланган.

Тадбирда мазкур меморандум асосида “Ўзкомназорат” Давлат инспекциясининг тегишли бўлимлари идорада, алоқа, ахборотлаштириш ва телекоммуникациялар соҳасида коррупцияга қарши курашиш, комплаенс назорат тизимини йўлга қўйиш, очиқлик, шаффофликни таъминлаш борасида амалга оширилаётган ишлар хусусида тақдимотлар қилинди.

Қайд этилганидек, Агентлик томонидан Давлат инспекцияси тизимида комплаенс-назорат тизими фаолияти самарали ташкил этилишини таъминлаш бўйича амалий, услубий кўмак бериб келмоқда.

Мазкур тузилма ходимлари “CERT ACADEMY” халқаро тренинг компанияси ўқув курсида малакани ошириб, тегишли сертификатларга эга бўлди. 

Айни пайтда  Инспекцияда ISO 37001:2016 халқаро стандарт сертификатини олиш юзасидан  зарур ишлар олиб борилмоқда.

“Очиқ эшиклар куни” тадбирида коррупцияга қарши қарши кураш ва унинг олдини олиш борасида шу каби саъй-ҳаракатларни янада кучайтириш масалалари атрофлича муҳокама қилинди.   

Коррупцияга қарши курашиш агентлиги

Ахборот хизмати