9-dekabr — Xalqaro korrupsiyaga qarshi kurashish kuniga bag‘ishlab “Aksilkorrupsiya haftaligi” doirasida “O‘zkomnazorat” Davlat inspeksiyasida fuqarolar, jamoatchilik faollari, ommaviy axborot vositalari vakillari ishtirokida “Ochiq eshiklar kuni” tadbiri o‘tkazildi.

Unda Korrupsiyaga qarshi kurashish agentligi masʼul xodimi ham ishtirok etdi.

Maʼlumot o‘rnida aytish joizki, o‘tgan yilning 24-iyunida Korrupsiyaga qarshi kurashish agentligi va “O‘zkomnazorat” Davlat inspeksiyasi o‘rtasida memorandum imzolangan.

Tadbirda mazkur memorandum asosida “O‘zkomnazorat” Davlat inspeksiyasining tegishli bo‘limlari idorada, aloqa, axborotlashtirish va telekommunikatsiyalar sohasida korrupsiyaga qarshi kurashish, komplayens nazorat tizimini yo‘lga qo‘yish, ochiqlik, shaffoflikni taʼminlash borasida amalga oshirilayotgan ishlar xususida taqdimotlar qilindi.

Qayd etilganidek, Agentlik tomonidan Davlat inspeksiyasi tizimida komplayens-nazorat tizimi faoliyati samarali tashkil etilishini taʼminlash bo‘yicha amaliy, uslubiy ko‘mak berib kelmoqda.

Mazkur tuzilma xodimlari “CERT ACADEMY” xalqaro trening kompaniyasi o‘quv kursida malakani oshirib, tegishli sertifikatlarga ega bo‘ldi. 

Ayni paytda Inspeksiyada ISO 37001:2016 xalqaro standart sertifikatini olish yuzasidan  zarur ishlar olib borilmoqda.

“Ochiq eshiklar kuni” tadbirida korrupsiyaga qarshi qarshi kurash va uning oldini olish borasida shu kabi saʼy-harakatlarni yanada kuchaytirish masalalari atroflicha muhokama qilindi.  

Korrupsiyaga qarshi kurashish agentligi

Axborot xizmati