Вашингтонда ўтказилаётган Коррупцияга қарши курашиш глобал Конференциясининг иккинчи куни Ўзбекистон делегацияси БМТ Тараққиёт дастури томонидан ташкил этилган махсус сессияда чиқиш қилди. 

Хусусан, Агентлик раҳбари очиқлик ва шаффофлик соҳасидаги халқаро стандартларни миллий қонунчиликка татбиқ этилиши ва мазкур соҳада жорий этилаётган ахборот технологияларининг самарадорлиги хусусида гапириб ўтди.

Мазкур сессияда, шунингдек, Transparency International ташкилоти бошқарув кенгаши раиси, USAID ташкилотининг АКТ масалалари бўйича раҳбари ҳамда бошқа хорижий давлатлар идоралари ва халқаро нодавлат ташкилотлари раҳбарлари нутқ билан иштирок этдилар.

Сессия спикерлари томонидан коррупцияга қарши курашиш, давлат хизматида ҳалолликни таъминлаш, бунда нодавлат ташкилотлар салоҳиятини кучайтириш ҳамда журналистик суриштирувларни амалга оширишда электрон дастур ва платформалар имкониятлари ва қийинчиликлари қизғин муҳокама қилинди.

Коррупцияга қарши курашиш агентлиги

Ахборот хизмати