Vashingtonda o‘tkazilayotgan Korrupsiyaga qarshi kurashish global Konferensiyasining ikkinchi kuni O‘zbekiston delegatsiyasi BMT Taraqqiyot dasturi tomonidan tashkil etilgan maxsus sessiyada chiqish qildi.

Xususan, Agentlik rahbari ochiqlik va shaffoflik sohasidagi xalqaro standartlarni milliy qonunchilikka tatbiq etilishi va mazkur sohada joriy etilayotgan axborot texnologiyalarining samaradorligi xususida gapirib o‘tdi.

Mazkur sessiyada, shuningdek, Transparency International tashkiloti boshqaruv kengashi raisi, USAID tashkilotining AKT masalalari bo‘yicha rahbari hamda boshqa xorijiy davlatlar idoralari va xalqaro nodavlat tashkilotlari rahbarlari nutq bilan ishtirok etdilar.

Sessiya spikerlari tomonidan korrupsiyaga qarshi kurashish, davlat xizmatida halollikni ta’minlash, bunda nodavlat tashkilotlar salohiyatini kuchaytirish hamda jurnalistik surishtiruvlarni amalga oshirishda elektron dastur va platformalar imkoniyatlari va qiyinchiliklari qizg‘in muhokama qilindi.

Korrupsiyaga qarshi kurashish agentligi

Axborot xizmati