Жорий йилнинг 14 декабрь куни Коррупцияга қарши курашиш ҳудудий кенгашлари учун Давлат ташкилотларида манфаатлар тўқнашувини ҳал қилишнинг ташкилий-ҳуқуқий асосларини такомиллаштириш, уларга риоя этилиши тўғрисида семинар бўлиб ўтди.

Унда манфаатлар тўқнашуви тушунчаси, унинг ҳуқуқий асослари, аниқлаш ва олдини олишнинг асосий элементлари тўғрисида маълумот берилди.

Маълумот учун: Манфаатлар тўқнашуви — шахсий (бевосита ёки билвосита) манфаатдорлик шахснинг мансаб ёки хизмат мажбуриятларини лозим даражада бажаришига таъсир кўрсатаётган ёхуд таъсир кўрсатиши мумкин бўлган ҳамда шахсий манфаатдорлик билан фуқароларнинг, ташкилотларнинг, жамиятнинг ёки давлатнинг ҳуқуқлари ва қонуний манфаатлари ўртасида қарама-қаршилик юзага келаётган ёки юзага келиши мумкин бўлган вазият.

Семинар давомида Ҳудудий кенгаш аъзолари билан манфаатлар тўқнашувини тартибга солиш чоралари ва у ҳақидаги маълумотларни ошкор қилиш ҳамда кўриб чиқиш тартиби ҳақида ўзаро фикр алмашилди.

Ўз навбатида, ҳудудий кенгаш аъзоларига фаолиятлари давомида юз бериши мумкин бўлган манфаатлар тўқнашувини олдини олиш бўйича кўрилиши лозим бўлган чоралар тўғрисида ҳам маълумот берилди.

Коррупцияга қарши курашиш агентлиги

Ахборот хизмати