Joriy yilning 14-dekabr kuni Korrupsiyaga qarshi kurashish hududiy kengashlari uchun Davlat tashkilotlarida manfaatlar to‘qnashuvini hal qilishning tashkiliy-huquqiy asoslarini takomillashtirish, ularga rioya etilishi to‘g‘risida seminar bo‘lib o‘tdi.

Unda manfaatlar to‘qnashuvi tushunchasi, uning huquqiy asoslari, aniqlash va oldini olishning asosiy elementlari to‘g‘risida maʼlumot berildi.

Maʼlumot uchun: Manfaatlar to‘qnashuvi — shaxsiy (bevosita yoki bilvosita) manfaatdorlik shaxsning mansab yoki xizmat majburiyatlarini lozim darajada bajarishiga taʼsir ko‘rsatayotgan yoxud taʼsir ko‘rsatishi mumkin bo‘lgan hamda shaxsiy manfaatdorlik bilan fuqarolarning, tashkilotlarning, jamiyatning yoki davlatning huquqlari va qonuniy manfaatlari o‘rtasida qarama-qarshilik yuzaga kelayotgan yoki yuzaga kelishi mumkin bo‘lgan vaziyat.

Seminar davomida Hududiy kengash aʼzolari bilan manfaatlar to‘qnashuvini tartibga solish choralari va u haqidagi maʼlumotlarni oshkor qilish hamda ko‘rib chiqish tartibi haqida o‘zaro fikr almashildi.

O‘z navbatida hududiy kengash aʼzolariga faoliyatlari davomida yuz berishi mumkin bo‘lgan manfaatlar to‘qnashuvini oldini olish bo‘yicha ko‘rilishi lozim bo‘lgan choralar to‘g‘risida ham maʼlumot berildi.

Korrupsiyaga qarshi kurashish agentligi

Axborot xizmati