Жорий йилнинг 6-10 декабрь кунлари АҚШнинг Вашингтон шаҳрида давлат раҳбарлари, вазирлар ҳамда соҳада фаолият юритувчи идоралар ва халқаро ташкилотлар раҳбарлари иштирокида ХХ халқаро аксилкоррупция конференцияси бўлиб ўтди. 

Конференцияда Ўзбекистон делегацияси вакиллари иштирок этди ва анжуман доирасида делегация раҳбари – Агентлик директори томонидан кўтарилган масалалар ва илгари сурилган таклифлар конференция ташкилотчилари томонидан эътироф этилди.

Хусусан, халқаро конференция ташкилотчиси – АҚШ Давлат департаментининг коррупцияга қарши курашиш бўйича глобал кординатори томонидан миннатдорчилик билдирилди. 

Унга кўра, муҳокамалар жараёнида Ўзбекистон вакиллари томонидан кўтарилган масалалар, билдирилган фикр ва таклифлар конференциянинг асосий мазмуни белгиланишига хизмат қилди ҳамда мамлакатда амалга оширилаётган ислоҳотлардан хабардор бўлиш билан биргаликда, истиқболда халқаро ҳамжамият, ҳукуматлар ва масъул ташкилотларнинг ўзаро ҳамкорликдаги фаолиятида самара бериши таъкидланди.

Коррупцияга қарши курашиш агентлиги

Ахборот хизмати