Joriy yilning 6-10-dekabr kunlari AQSHning Vashington shahrida davlat rahbarlari, vazirlar hamda sohada faoliyat yurituvchi idoralar va xalqaro tashkilotlar rahbarlari ishtirokida XX xalqaro aksilkorrupsiya konferensiyasi bo‘lib o‘tdi. 

Konferensiyada O‘zbekiston delegatsiyasi vakillari ishtirok etdi va anjuman doirasida delegatsiya rahbari – Agentlik direktori tomonidan ko‘tarilgan masalalar va ilgari surilgan takliflar konferensiya tashkilotchilari tomonidan eʼtirof etildi.

Xususan, xalqaro konferensiya tashkilotchisi – AQSH Davlat departamentining korrupsiyaga qarshi kurashish bo‘yicha global kordinatori tomonidan minnatdorchilik bildirildi. 

Unga ko‘ra, muhokamalar jarayonida O‘zbekiston vakillari tomonidan ko‘tarilgan masalalar, bildirilgan fikr va takliflar konferensiyaning asosiy mazmuni belgilanishiga xizmat qildi hamda mamlakatda amalga oshirilayotgan islohotlardan xabardor bo‘lish bilan birgalikda, istiqbolda xalqaro hamjamiyat, hukumatlar va masʼul tashkilotlarning o‘zaro hamkorlikdagi faoliyatida samara berishi taʼkidlandi.

Korrupsiyaga qarshi kurashish agentligi

Axborot xizmati