Жорий йилнинг 14 февраль куни Коррупцияга қарши курашиш директори А.Бурханов БМТ Гиёҳванд моддалар ва жиноятчиликка қарши курашиш бошқармасининг Марказий Осиёдаги коррупцияга қарши курашиш масалалари бўйича Минтақавий маслаҳатчиси В.Козин ва миллий офицери А.Ирмановларни қабул қилди.

Учрашувда 2023 йилда  Агентлик ва БМТ ГЖБ нинг ҳамкорликда амалга оширилувчи асосий фаолият йўналишлари белгилаб олинди.

Хусусан, мамлакатимизда фаолият юритувчи нодавлат ташкилотлар, аксилкоррупция органлари ходимлари салоҳиятини кучайтиришга қаратилган тадбирларни ташкил этиш, ҳамкор ташкилотлар иштирокида тадбиркорлик субъектлари билан мулоқотни доимий равишда ташкил этиш ҳамда бошқа лойиҳалар муҳокама этилди.

Шунингдек, учрашувда, Истанбул ҳаракатлар режаси мониторинги ва БМТнинг Коррупцияга қарши конвенцияси обзорида фуқаролик жамияти институтлари жалб этилиши масалаларига бағишланган минтақавий тренингни ҳамкорликда ташкил этиш, Тошкент аксилкоррупция форуми доирасида нодавлат ташкилотлари иштирокини кенгайтириш ҳамда норматив ҳужжатларни коррупцияга қарши экспертизаси бўйича ишларни жадаллаштириш юзасидан фикр алмашилди