Joriy yilning 14-fevral kuni Korrupsiyaga qarshi kurashish direktori A.Burxanov BMT Giyohvand moddalar va jinoyatchilikka qarshi kurashish boshqarmasining Markaziy Osiyodagi korrupsiyaga qarshi kurashish masalalari bo‘yiсha Mintaqaviy maslahatchisi V.Kozin va milliy ofitseri A.Irmanovlarni qabul qildi.

Uchrashuvda 2023-yilda  Agentlik va BMT GJB ning hamkorlikda amalga oshiriluvchi asosiy faoliyat yo‘nalishlari belgilab olindi.

Xususan, mamlakatimizda faoliyat yurituvchi nodavlat tashkilotlar, aksilkorrupsiya organlari xodimlari salohiyatini kuchaytirishga qaratilgan tadbirlarni tashkil etish, hamkor tashkilotlar ishtirokida tadbirkorlik subyektlari bilan muloqotni doimiy ravishda tashkil etish hamda boshqa loyihalar muhokama etildi.

Shuningdek, uchrashuvda, Istanbul harakatlar rejasi monitoringi va BMTning Korrupsiyaga qarshi konvensiyasi obzorida fuqarolik jamiyati institutlari jalb etilishi masalalariga bag‘ishlangan mintaqaviy treningni hamkorlikda tashkil etish, Toshkent aksilkorrupsiya forumi doirasida nodavlat tashkilotlari ishtirokini kengaytirish,   hamda normativ hujjatlarni korrupsiyaga qarshi ekspertizasi bo‘yicha ishlarni jadallashtirish yuzasidan fikr almashildi.