“Навоий кон-металлургия комбинати” АЖ (“НКМК” АЖ) нинг штатлар жадвалига асосан “Комплаенс-назорати” хизматига 15 та штат бирлиги ажратилган.

“Комплаенс-назорати” хизмати ходимлари 44 маротаба малака ошириш курсларига қатнашиб, соҳага оид 38 та сертификатлар олинди.

Маълумот учун: Халқаро коррупцияга қарши курашиш Академияси (International Anti-Corruption Academy)нинг “Манфаатлар тўқнашувини бошқариш” йўналишида 17 та ва “Активларни декларациялаш – коррупцияни аниқлаш индикатори” йўналишида 8 та, “Харидлар соҳасида коррупция ва фирибгарликни олдини олиш” йўналишида 2 та ва бошқа йўналишларда сертификатлар олинди.

“НКМК” АЖ тизимига жорий этишга қаратилган коррупцияга қарши курашиш бўйича 15 та ички идоравий ҳужжатлар ишлаб чиқилиб, амалиётга жорий этилди.

Жамиятнинг расмий веб-сайтида ҳамда ички порталда “Коррупцияга қарши курашиш” ва “Очиқ маълумотлар” бўлимлари яратилди. Мазкур бўлимларда ички идоравий ҳужжатлар, эълон қилиниши белгиланган маълумотлар, мурожаатларни юбориш учун тегишли (ишонч телефони ва электрон почта) алоқа каналлари, ижтимоий видеороликлар ҳамда

“Комплаенс-назорати” хизматининг масъул ходимлари тўғрисидаги маълумотлар жойлаштирилди.

2022 йил ноябрь-декабрь ойларида “НКМК” АЖда коррупцияга қарши курашиш ойлиги ўтказилди. Бунда жамият марказий аппаратининг 54 та бошқарма ва бўлимларнинг 536 та функциялари баҳоланди.

Баҳолаш натижаларига кўра, 19 та “юқори” ва 58 та “ўрта” даражадаги хавф-хатарлар аниқланиб, уларнинг олдини олиш ва бартараф этиш юзасидан 2022 йил 27 декабрда 62 та банддан иборат Дастур тасдиқланди.

Коррупцияга қарши курашиш ойлигида Навоий шаҳридаги “Фарҳод” маданият саройидаги LED экранда коррупцияга қарши курашиш йўналишидаги ижтимоий роликлар намойиш этилди.

Ходимларнинг фаоллигини ошириш мақсадида мазкур тадбир доирасида ходимларнинг уяли алоқа телефонларига ҳар ҳафтада бир маротаба СМС хабарлар юборилиб, хабарлар орқали коррупцияга қарши курашиш соҳасидаги асосий тушунчалар ҳақида маълумот берилди.

2022 йилда 37 маротаба ҳуқуқий тарғибот ва профилактик тадбирлар ўтказилди. Хусусан, 17 та семинар, 13 та учрашув, йиғилиш ва давра суҳбати,

1 та тақдимнома муҳокамаси, 1 та сўровнома ташкил этилиб, 5 маротаба оммавий ахборот воситалари орқали чиқишлар амалга оширилди. “Комплаенс-назорати” хизмати томонидан корхонанинг жами 990 та ички идоравий ҳужжатлари коррупцияга қарши ҳуқуқий экспертизадан ўтказилди.

Бундан ташқари, норматив-ҳуқуқий ва ички идоравий ҳужжатларга ўзгартиришлар киритиш юзасидан 27 та таклифлар ишлаб чиқилиб, 9 таси амалиётга жорий этилди.

Харидлар соҳасида “Потенциал товарлар етказиб берувчиларининг дастлабки малакасини баҳолаш бўйича ташкил этилган комиссия” томонидан 27 та тендер ҳужжатлари бўйича 48 та субъектларнинг ҳужжатлари кўриб чиқилиб, 2 та ҳолатда (21,4 млрд.сўм) манфаатлар тўқнашувининг олди олинди.

Келиб тушган мурожаатларга асосан жами 24 та назорат тадбирлари ўтказилиб, тадбирлар натижаси бўйича 14 таси ҳуқуқни муҳофаза қилувчи органларга юборилди.

Бундан 2 та ҳолатда жамият манфаатларига етказилган 1,1 млрд.сўм зарар ундирилди.