“Navoiy kon-metallurgiya kombinati” AJ (“NKMK” AJ) ning shtatlar jadvaliga asosan “Komplayens-nazorati” xizmatiga 15 ta shtat birligi ajratilgan. “Komplaens-nazorati” xizmati xodimlari 44 marotaba malaka oshirish kurslariga qatnashib, sohaga oid 38 ta sertifikatlar olindi.

Maʼlumot uchun: Xalqaro korrupsiyaga qarshi kurashish Akademiyasi (International Anti-Corruption Academy)ning “Manfaatlar to‘qnashuvini boshqarish” yo‘nalishida 17 ta va “Aktivlarni deklaratsiyalash – korrupsiyani aniqlash indikatori” yo‘nalishida 8 ta, “Xaridlar sohasida korrupsiya va firibgarlikni oldini olish” yo‘nalishida 2 ta va boshqa yo‘nalishlarda sertifikatlar olindi.

“NKMK” AJ tizimiga joriy etishga qaratilgan korrupsiyaga qarshi kurashish bo‘yicha 15 ta ichki idoraviy hujjatlar ishlab chiqilib, amaliyotga joriy etildi.

Jamiyatning rasmiy veb-saytida hamda ichki portalda “Korrupsiyaga qarshi kurashish” va “Ochiq maʼlumotlar” bo‘limlari yaratildi. Mazkur bo‘limlarda ichki idoraviy hujjatlar, eʼlon qilinishi belgilangan maʼlumotlar, murojaatlarni yuborish uchun tegishli (ishonch telefoni va elektron pochta) aloqa kanallari, ijtimoiy videoroliklar hamda

“Komplayens-nazorati” xizmatining masʼul xodimlari to‘g‘risidagi maʼlumotlar joylashtirildi.

2022-yil noyabr-dekabr oylarida “NKMK” AJda korrupsiyaga qarshi kurashish oyligi o‘tkazildi. Bunda jamiyat markaziy apparatining 54 ta boshqarma va bo‘limlarning 536 ta funksiyalari baholandi.

Baholash natijalariga ko‘ra, 19 ta “yuqori” va 58 ta “o‘rta” darajadagi xavf-xatarlar aniqlanib, ularning oldini olish va bartaraf etish yuzasidan 2022 yil 27 dekabrda 62 ta banddan iborat Dastur tasdiqlandi.

Korrupsiyaga qarshi kurashish oyligida Navoiy shahridagi “Farhod” madaniyat saroyidagi LED ekranda korrupsiyaga qarshi kurashish yo‘nalishidagi ijtimoiy roliklar namoyish etildi.

Xodimlarning faolligini oshirish maqsadida mazkur tadbir doirasida xodimlarning uyali aloqa telefonlariga har haftada bir marotaba

SMS xabarlar yuborilib, xabarlar orqali korrupsiyaga qarshi kurashish sohasidagi asosiy tushunchalar haqida maʼlumot berildi.

2022-yilda 37 marotaba huquqiy targ‘ibot va profilaktik tadbirlar o‘tkazildi. Xususan, 17 ta seminar, 13 ta uchrashuv, yig‘ilish va davra suhbati,

1 ta taqdimnoma muhokamasi, 1 ta so‘rovnoma tashkil etilib, 5 marotaba ommaviy axborot vositalari orqali chiqishlar amalga oshirildi.

“Komplaens-nazorati” xizmati tomonidan korxonaning jami 990 ta ichki idoraviy hujjatlari korrupsiyaga qarshi huquqiy ekspertizadan o‘tkazildi.

Bundan tashqari, normativ-huquqiy va ichki idoraviy hujjatlarga o‘zgartirishlar kiritish yuzasidan 27 ta takliflar ishlab chiqilib, 9 tasi amaliyotga joriy etildi.

Xaridlar sohasida “Potensial tovarlar yetkazib beruvchilarining dastlabki malakasini baholash bo‘yicha tashkil etilgan komissiya” tomonidan 27 ta tender hujjatlari bo‘yicha 48 ta subyektlarning hujjatlari ko‘rib chiqilib, 2 ta holatda (21,4 mlrd.so‘m) manfaatlar to‘qnashuvining oldi olindi.

Kelib tushgan murojaatlarga asosan jami 24 ta nazorat tadbirlari o‘tkazilib, tadbirlar natijasi bo‘yicha 14 tasi huquqni muhofaza qiluvchi organlarga yuborildi.

Bundan 2 ta holatda jamiyat manfaatlariga yetkazilgan 1,1 mlrd.so‘m zarar undirildi.