Жорий йилнинг 11-12 апрель кунлари Журналистларни қайта тайёрлаш маркази томонидан “Ўзбекистон журналистлари ва блогерларининг коррупция масалаларига оид  журналист суриштирувини ўтказиш бўйича салоҳиятини ошириш” мавзусида тренинг бўлиб ўтди.

Маълумот учун: Тренинг Ўзбекистон журналистларни қайта тайёрлаш маркази ва Конрад Аденауэр жамғармаси билан “Суриштирув журналистикаси коррупцияга қарши курашишнинг самарали омили” янги қўшма лойиҳаси доирасида амалга оширилмоқда. Коррупцияга қарши курашиш агентлиги лойиҳа ҳамкори ҳисобланади.

Тренингда республика ҳудудларидан ташриф буюрган журналист ва блогерлар учун халқаро ташкилотлар вакиллари, халқаро экспертлар ҳамда  Коррупцияга қарши курашиш агентлиги масъул ходимлари маъруза билан иштирок этишди.

Дастлаб кириш қисмида Агентлик вакили томонидан коррупцияга қарши курашиш сиёсатининг асосий йўналишлари, уни амалга оширишда ОАВ роли, улар билан ҳамкорликда амалга оширилаётган лойиҳалар ҳақида батафсил маълумот бериб ўтилди.

Шунингдек, тадбирнинг амалий машғулотлар қисмида давлат органлари ва ташкилотлари томонидан очиқ эълон қилинаётган маълумотлар ва улар билан ишлаш бўйича батафсил тушунтириш берилди.

Тренингнинг иккинчи куни замонавий суриштирувчи журналистга қўйиладиган талаблар, унинг хавфсизлиги масалалари, фаолиятида ахлоқ меъёрлари каби ихтисослашган масалаларга тўхталиб ўтилди ҳамда амалий машғулотлар ташкил этилди.

Коррупцияга қарши курашиш агентлиги

Ахборот хизмати