Жорий йилнинг 11-12 июль кунлари “Коррупция ва коррупция билан боғлиқ жиноятларни ёритишда журналистик суриштирувларнинг роли” мавзусида онлайн тренинг бўлиб ўтди.

Тренингда оммавий ахборот воситалари, ташкилотлар ахборот хизмати раҳбарлари ҳамда журналистика ихтисослигида ўқиётган талабалар иштирок этишди.

Тренинг Коррупцияга қарши курашиш агентлиги, “Минтақавий мулоқот” (Словения) ХНТ ташкилотининг Ўзбекистондаги филиали, “Pioneer” коррупцияни ўрганиш бўйича тадқиқот институти (АҚШ) билан ҳамкорликда ташкил этилди.

Тренинг давомида журналистик суриштирувни ташкил этиш ва ўтказиш бўйича хорижий тажрибалар, мазкур йўналишининг пайдо бўлиш жараёнлари, ҳуқуқий асослари ва муаммоли масалалари тўғрисида фикр алмашишди.  

Тренинг халқаро экспертлар Джеймс Стергиос – Пионер институти директори, ҳамда институт масъул ходимлари Мери Конногтон, Крис Синакола каби соҳанинг тажрибали мутахасисслари томонидан олиб борилди.

Маълумот учун: “Пионер” коррупцияни ўрганиш бўйича тадқиқот институти Массачусетс штатининг Бостон шаҳрида жойлашган бўлиб, асосий мақсадларидан бири коррупцияга қарши курашиш ва унинг олдини олиш.

Тренингнинг дастлабки куни мавзунинг назарий масалалари амалий мисолларга тўхталиб ўтилган бўлса, иккинчи куни интерактив шаклда, ўзаро фикр алмашиш, савол-жавоб шаклида ташкил этилди.

Хусусан, журналистик суриштирувда олиб боришда қонунчилик талаблари ва касб этикасига амал қилиш мезонлари, ОАВ вакиллари учун мавжуд кафолатлар, журналистларнинг ҳимояси, суриштирув ўтказаётганда эътибор қаратиш керак бўлган асосий жиҳатлар, коррупцияга оид журналистик материалларни  тайёрлашда сунъий интеллект имкониятларидан қайси жараёнларда фойдаланилмоқда каби масалалар юзасидан ўзларини қизиқтирган саволларга жавоб олишди ва ўзаро фикр алмашишди.

Коррупцияга қарши курашиш агентлиги

Ахборот хизмати