Жорий йилнинг 3-5 октябрь кунлари Агентлик директори ўринбосари У.Тухташева бошчилигидаги Коррупцияга қарши курашиш агентлиги ва Бош прокуратура вакилларидан иборат Ўзбекистон делегацияси Истанбул ҳаракатлар режаси (ИҲР) 22-Мониторинг йиғилиши ва Бошқарув гуруҳининг 28-йиғилишида иштирок этди.

Иқтисодий ҳамкорлик ва тараққиёт ташкилотининг (ИҲТТ) Шарқий Европа ва Марказий Осиё учун коррупцияга қарши тармоғининг йиғилиши давомида ИҲТТ 5-раунд мониторинги доирасида биринчи босқичида ҳисоботлар тақдим этган давлатлар, жумладан, Арманистон, Озарбайжон, Украина ва Молдова мамлакатларининг умумий баҳоси ва мониторинг натижалари тақдим этилди.

Учрашувлар давомида экспертлар томонидан тизимни такомиллаштириш бўйича тавсиялар берилди, мамлакатлар иштирокчиларга тавсияларни амалга ошириш бўйича режаларини ва мониторингдан сўнг 2023 йил давомида рўй берган амалдаги ўзгаришларни ҳавола этдилар.

Маълумот учун: Тадбирларда 20 дан ортиқ давлат ва халқаро ташкилотлар вакиллари иштирок этди. Ўзбекистонда 5-раунд мониторинги 2024 йилда ўтказилиши режалаштирилган.

Бошқарув гуруҳи йиғилишида 2023 йилга мўлжалланган ИҲТ Ишчи дастури амалга оширилиши ва 2024 йилга мўлжалланган иш режасига таклифлар кўриб чиқилди. Шунингдек, Бошқарув гуруҳи “Коррупцияга қарши кураш бўйича ҳудудий прогноз” пилот ҳисоботи лойиҳасининг асосий кўрсаткичларини муҳокама қилди.

Бундан ташқари, У.Тухташева таълим соҳасидаги ҳалоллик масалаларига бағишланган навбатдан ташқари сессияда маъруза билан иштирок этди, унинг доирасида таълим соҳасида коррупцияга қарши кураш бўйича амалга оширилаётган чора-тадбирлар, жумладан, институционал ва электрон ечимларни тақдим этди.


Коррупцияга қарши курашиш агентлиги

Ахборот хизмати