Joriy yilning 22-oktabr kuni Korrupsiyaga qarshi kurashish agentligi direktori Quvayt shaffoflik jamiyati rahbari Majid Al-Muteyriyni qabul qildi.

Ma’lumot uchun: Quvayt shaffoflik jamiyati o‘z maqsadlari sifatida  mamlakatda ochiqlik, shaffoflik v halollikni ta’minlash, demokratik boshqaruv institutlarini mustahkamlash va gender tenglikni qo‘llab-quvvatlash etib belgilagan, shuningdek Transparency International xalqaro tashkilotining Quvaytdagi bo‘linmasi hisoblanadi.

Suhbat avvalida, Agentlik direktori tomonidan mamlakatimizda korrupsiyaga qarshi kurashish hamda ochiqlikni ta’minlashga qaratilgan chora-tadbirlar to‘g‘risida batafsil axborot berildi.

Shuningdek, uchrashuv davomida Quvaytda davlat organlarining ochiqlik indeksi, davlat idoralari faoliyatining shaffofligini ta’minlashda nodavlat sektorning o‘rni hamda o‘zaro hamkorlik masalalari yuzasidan fikr almashildi.