Joriy yil 27 yanvar kuni Navoiy shahrida Jurnalistlarni qayta tayyorlash markazi hamda Korrupsiyaga qarshi kurashish agentligi hamkorligida tashkil etilgan “Korrupsiyaga qarshi kurash masalalarini yoritish bo‘yicha jurnalist, bloger, NNT faollarining salohiyatini oshirish”  mavzusidagi 2 kunlik trening o‘z ishini boshladi. 

Mazkur treningning asosiy maqsadi ommaviy axborot vositalari orqali jamiyatda korrupsiyaga nisbatan murosasiz munosabatni shakllantirish, jamiyatdagi korrupsiya muammolari va tahdidlarini yoritishda OAV salohiyati va sifatini oshirish, ushbu mavzudagi jurnalistik surishtiruv yo‘nalishini rivojlantirish, jurnalist va blogerlarning korrupsiyaga qarshi kurashish mavzusida material tayyorlashga bo‘lgan rag‘batini uyg‘otish va mahoratlarini  oshirishdan iborat.

Trening doirasida Agentlik mas’ul xodimlari hamda malakali mediatrenerlar OAVda korrupsiyaga nisbatan murosasiz kayfiyatni uyg‘otish, jamoatchilik nazoratini kuchaytirish masalari bo‘yicha amaliy darslar orqali tanqidiy firklash ko‘nikmalarini shakllantirish bo‘yicha saboq berishmoqda.  

Shuningdek, ishtirokchilar mass-media vositalari (videoroliklar, internet va boshqa OAV materiallari) yordamida fuqarolarni korrupsiyaga qarshi munosabatini shakllantirish va huquq - targ‘ibot idoralari bilan hamkorlikni samarali tashkil etish usullaridan  xabardor bo‘lishmoqda.

Korrupsiyaga qarshi kurashish agentligi 

Axborot xizmati