Kuni kecha Korrupsiyaga qarshi kurashish agentligida direktor A.Burxanovning  fuqarolar bilan navbatdagi qabuli boʻlib oʻtdi. 

Respublikaning turli hududlaridan kelgan fuqarolar oʻz murojaatlarida asosan sud qarorlaridan, shuningdek,  turli vazirlik hamda idoralarda murojaatlarining toʻliq va xolisona koʻrib chiqilmayotganligidan norozilik bildirdi.

Fuqarolarning murojaatlari toʻliq tinglanib, muammolarning yechimi boʻyicha tegishli huquqiy tushuntirish va maslahatlar berildi. Ijrosi oʻrganish va vaqt talab etadigan murojaatlar ijroga qabul qilinib, qatʼiy nazoratga olindi.

Davlat organlarining “Xalq bilan muloqot” qilishi tamoyilini hayotga tatbiq etish maqsadida tashkil etilayotgan bunday qabullar aholi muammolarini oʻz vaqtida hal etilishiga xizmat qiladi. Qolaversa, murojaatlarda koʻrsatib oʻtilayotgan korrupsiyaviy holatlarni keltirib chiqarayotgan omillar tahlil qilinib,  ularni bartaraf etishga oid tegishli chora-tadbirlar ishlab chiqilishiga zamin yaratadi.

Korrupsiyaga qarshi kurashish agentligi

Axborot xizmati