Korrupsiyaga qarshi kurashish agentligi tomonidan aholining turli qatlamlari orasida mamlakatimizda korrupsiyaning oldini olish va unga qarshi murosasiz kurashishning ilgʻor xalqaro standartlarga asoslangan tizimini joriy etish borasida amalga oshirilayotgan islohotlar va ularning samarasiga bagʻishlangan oʻquv va targʻibot tadbirlari muntazam tashkil etib kelinmoqda. 

Ana shunday tadbirlardan biri joriy yil 14-aprel kuni Turin politexnika universitetida oʻtkazildi. 

Muloqot mobaynida Agentlik masʼul xodimlari tomonidan universitetning talaba-yoshlariga sohaga oid milliy qonunchilik asoslari yuzasidan batafsil maʼlumot berildi. 

Jumladan, davlatimiz rahbarining “Korrupsiyaga qarshi murosasiz munosabatda boʻlish muhitini yaratish, davlat va jamiyat boshqaruvida korrupsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari toʻgʻrisida”gi Farmoni hamda “Korrupsiyaga qarshi kurashish faoliyatini samarali tashkil etishga doir qoʻshimcha chora-tadbirlar toʻgʻrisida” Qarori mazmun-mohiyati va mazkur hujjatlarning bugungi kundagi ijrosi xususida atroflicha soʻz yuritildi.

Korrupsiyaga qarshi kurashish agentligi
 Axborot xizmati