Joriy yilning 12-14-iyul kunlari Koreya Respublikasining Korrupsiyaga qarshi kurash va fuqarolik huquqlari boʻyicha komissiyasi tomonidan Oʻzbekiston, Moldova, Mongoliya va Tojikiston kabi mamlakatlar davlat xizmatchilari uchun korrupsiyaga qarshi oʻquv kursi tashkil etildi.

Onlayn oʻquv kursi korrupsiyaga qarshi kurashishga masʼul boʻlgan idoralar xodimlarining bilimlarini oshirish va koʻnikmalarini amaliyotda tatbiq etishga qaratilgan.

Kurs davomida korrupsiyaga qarshi samarali siyosat olib borish, profilaktik choralar koʻrish, korrupsiyani aniqlash va maʼlumot beruvchilarni himoya qilish kabi mavzular oʻrin oldi.

Maʼlumot uchun: Koreya Respublikasining Korrupsiyaga qarshi kurash va fuqarolik huquqlari boʻyicha komissiyasi (ACRC) - 2008-yilda tashkil etilgan. Komissiya jamiyatni korrupsiya va shunga oid salbiy illatlardan holi qilish va fuqarolarning noqonuniy va adolatsiz maʼmuriy xatti-harakatlar yoki asossiz institutlar tufayli yuzaga kelgan muammolarini hal qilish uchun tashkil etilgan markaziy tuzilma hisoblanadi.

Korrupsiyaga qarshi kurashish agentligi

Axborot xizmati