Korrupsiyaga qarshi kurashish hududiy kengashlari uchun navbatdagi seminarning asosiy mavzusi Korrupsiyaga qarshi kurashish ishlarining samaradorligini reyting baholash tizimi haqida boʻldi.

Agentlik vakillari tomonidan tizimning maqsadi  davlat organlari va tashkilotlarining korrupsiyaga qarshi kurashish borasidagi faoliyatiga oid samaradorlik koʻrsatkichlarini belgilash va ularni baholash tizimini joriy etish ekanligi taʼkidlandi.

Qayd etilganidek, Reyting baholash quyidagi beshta yoʻnalish boʻyicha belgilangan indikatorlar asosida amalga oshiriladi:

davlat tashkilotlarida korrupsiyaga qarshi kurashish boʻyicha mexanizm va huquqiy asoslarning yaratilganligi;

korrupsiyaviy xavf-xatarlarni aniqlash, baholash va ularni kamaytirish boʻyicha chora-tadbirlarning amalga oshirilganligi;

davlat tashkilotlari rahbarlarining korrupsiyaga qarshi murosasiz munosabatni koʻrsatuvchi xatti-harakatlarining mavjudligi;

xodimlarning korrupsiyaga qarshi kurashishga oid ichki tartib-taomillardan xabardorligi;

korrupsiyaga qarshi kurashish boʻyicha tegishli soha yoki tarmoq kesimida aholining huquqiy ongi va huquqiy madaniyatini yuksaltirishga qaratilgan targʻibot tadbirlarining samaradorligi.

Reyting baholash natijalari elektron platformada hisoblab chiqiladi va har yili 1-martga qadar keng jamoatchilik uchun ommaviy axborot vositalarida eʼlon qilib boriladi.

Trening davomida hududiy kengashlarning reyting baholash jarayonidagi ishtiroki haqida ham fikr almashildi.

Hududlardagi tashkilotlarning korrupsiyaga qarshi kurashish faoliyatini yuqoridagi indikatorlar asosida tahlil qilish va hududiy kengashlar yigʻilishlarida muntazam muhokama qilib borishi mumkinligi bildirildi.

Shuningdek, respublika tashkilotlari tomonidan hududga oid maʼlumotlarning toʻgʻri va haqqoniy kiritilganini oʻrganish va monitoring qilib borish borasida ham hududiy kengashlar oldiga aniq vazifalar belgilandi.

Korrupsiyaga qarshi kurashish agentligi

Axborot xizmati