Kecha, 26-sentabr kuni Korrupsiyaga qarshi kurashish agentligi, Adliya vazirligi, Bosh prokuratura va BMT TD tomonidan fuqarolik jamiyati institutlari va OAV oʻrtasida korrupsiyaning oldini olish va unga qarshi kurashish sohasida “Fuqarolik jamiyati institutlarini korrupsiyaga qarshi kurashish va oldini olishda innovatsiyalarni ishlab chiqish va joriy etish jarayoniga jalb qilish” mavzusida  oʻtkazilgan qoʻshma tanlov gʻoliblarining taqdirlash marosimi boʻlib oʻtdi.

Maʼlumot uchun: Tanlov “Oʻzbekistonda samarali, hisob beruvchi va shaffof boshqaruv institutlari orqali korrupsiyaga qarshi kurashish” va “Oʻzbekistonda korrupsiyaga qarshi kurashish agentligi rolini oshirish uchun fuqarolik makonini, ayollar va yoshlar ovozini mustahkamlash” loyihalari doirasida tashkil etildi. 

Taʼkidlangandek, 17-iyundan 10-iyulgacha grant olish uchun 18 ta NNTdan arizalar kelib tushdi.

Baholash komissiyasi qaroriga koʻra, quyidagi 9 ta NNTning takliflari yuqori ball oldi:

➖“Taraqqiyot strategiyasi” markazi NNT (Toshkent shahri)

 ➖“Chexra” ayollar va bolalarni ijtimoiy-huquqiy qoʻllab-quvvatlash markazi NNT (Fargʻona viloyati)

 ➖“Muloqot” jamoat birlashmasi NNT (Toshkent shahri)

 ➖“Istiqbolli avlod” Respublika ijtimoiy axborot markazi Sirdaryo viloyati filiali (Sirdaryo viloyati)

➖ “Ziyonur” ayollar va oʻsmirlarni ijtimoiy, huquqiy va ekologik qoʻllab-quvvatlash markazi (Fargʻona viloyati)

 ➖“Inson huquqlari madaniyati markazi” NNT (Toshkent, Buxoro, Navoiy viloyatlari)

➖ “Toshkent ayollar tadbirkorlik markazi” NNT

➖ Respublika yosh olimlar kengashi (Toshkent shahri)

➖“Taraqqiyot” NNT (Buxoro viloyati)

Tadbirda gʻolib NNTlarga maxsus sertifikatlar topshirildi.

Eslatib oʻtamiz, gʻoliblar tomonidan tanlovda bildirilgan takliflar BMTTD bilan hamkorlikda amalga oshirilgan “Oʻzbekistonda samarali, hisobdor va oshkora boshqaruv institutlari orqali korrupsiyaga qarshi kurashish” va “Oʻzbekistonda Korrupsiyaga qarshi kurashish agentligi rolini oshirish uchun fuqarolik makoni, xotin-qizlar va yoshlarning ovozini mustahkamlash” loyihalari doirasida moliyalashtiriladi.

Korrupsiyaga qarshi kurashish agentligi

Axborot xizmati