Korrupsiyaga qarshi kurashishda fuqarolarning ishtiroki muhim ahamiyat kasb etadi. Fuqarolar korrupsiyaga qarshi kurashish boʼyicha va unga nisbatan murosasiz munosabatini oʼz murojaatlarida bayon etib kelishmoqda. Bunday murojaatlar Korrupsiyaga qarshi kurashish agentligi tomonidan oʼrganilib, jismoniy va yuridik shaxslarning huquqlari, erkinliklari hamda qonuniy manfaatlarini himoya qilish boʼyicha tizimli ishlar amalga oshirib kelinmoqda.

Jumladan, Аgentlik rahbariyati va xodimlari tomonidan doimiy ravishda fuqarolarni qabul qilish amaliyoti yoʼlga qoʼyilgan boʼlib, bugun Аgentlik direktori А.Burxanovning navbatdagi fuqarolar qabuli boʼlib oʼtdi. 

Respublikaning turli hududlaridan kelgan fuqarolar oʼz murojaatlarida asosan sud qarorlaridan hamda turli vazirlik hamda idoralarda murojaatlarining toʼliq va xolisona koʼrib chiqilmayotganligidan noroziliklar hamda korrupsiyaga qarshi kurashish boʼyicha oʼz takliflarini bildirishdi.

Qabulda fuqarolarning murojaatlari toʼliq tinglanib, muammolarning yechimi boʼyicha tegishli huquqiy tushuntirish va maslahatlar berildi. Ijrosi oʼrganish va vaqt talab qiladigan murojaatlar boʼyicha fuqarolardan tegishli tartibda ariza va shikoyatlar qabul qilinib, ijrosi qatʼiy nazoratga olindi.

Korrupsiyaga qarshi kurashish agentligi

Аxborot xizmati