Bugun, 18-noyabr – Oʻzbekiston Respublikasi davlat bayrogʻi qabul qilingan kun. Bundan 31 yil avvalgi ushbu qutlugʻ sana mamlakatimiz mustaqilligi va tinchligi, xalqimiz farovonligining tantanasi sifatida tarixga muhrlangan. 

Shundan buyon milliy bayrogʻimiz davlat idora va muassasalari, oʻquv yurtlari, Oʻzbekiston a’zo boʻlgan xalqaro tashkilotlar, chet ellardagi elchixona va doimiy vakolatxonalarimiz peshtoqida hilpirab turibdi.

Korrupsiyaga qarshi kurashish agentligida bugungi bayram munosabati bilan "Muqaddasdir Vatan bayrogʻi!" shiori ostida ma’naviy-ma’rifiy tadbir etildi. Unda Agentlik mas’ul xodimlari tomonidan davlatimiz bayrogʻi yaratilishining tarixiy-huquqiy va ma’naviy asoslariga bagʻishlangan taqdimot va videorolik namoyish etildi. 

Shundan soʻng davlat madhiyasi jamoaviy holda joʻr boʻlib kuylanib, Agentlik binosi hududida oʻrnatilgan bayroq baland koʻtarildi.  

Bu Vatanga muhabbat, uning shonli bayrogʻiga hurmat va ehtirom ifodasi boʻldi.

Korrupsiyaga qarshi kurashish agentligi

Axborot xizmati