O‘zbekiston Respublikasi Korrupsiyaga qarshi kurashish milliy kengashi majlisining 2022-yil 17-avgustdagi 8-sonli bayonnomasi bilan 9-dekabr -- Xalqaro korrupsiyaga qarshi kurashish kuniga bag‘ishlangan “Aksilkorrupsiya haftaligi” doirasida o‘tkaziladigan tadbirlar rejasi" tasdiqlangan.

Mazkur rejaning 13-bandiga muvofiq, dekabr oyida vazirlik va idoralar tomonidan o‘z faoliyatlari ochiqligini taʼminlash, korrupsion xatarlarni oldini olish va bartaraf etish, sohada zamonaviy korrupsiyaga qarshi kurashish tizimlarni joriy etish kabi masalalarga bag‘ishlangan “Ochiq eshiklar kuni” tadbiri o‘tkazilishi belgilangan.

Shunga ko‘ra, Toshkent viloyati hokimligi tomonidan Korrupsiyaga qarshi kurashish agentligi hamkorligida viloyat hokimligi binosida “Ochiq eshiklar kuni” tashkil etildi. 

Muloqot mobaynida asosiy eʼtibor davlat organlari faoliyatining ochiqligi, ularning jamoatchilik va fuqarolar oldidagi hisobdorligini taʼminlash hamda ommaviy axborot vositalari hamkorligini mustahkamlash masalalariga qaratildi. 

Tadbirda korrupsion xatarlarning oldini olish va bartaraf etish, zamonaviy korrupsiyaga qarshi kurashish tizimlarini joriy etish kabi masalalarga bag‘ishlangan maʼruzalar ham tinglandi.

Xususan, Agentlik masʼul xodimi N.Samandarova tomonidan tomonidan korrupsiyaviy xavf-xatarlarni aniqlash, baholash tartiblari, mezonlari, davriyligi, korrupsiyaviy xatarlar xaritasi, qaysi holatlarda baholash amalga oshirilishi, baholash natijalari bo‘yicha amalga oshiriladigan chora-tadbirlar to‘g‘risida batafsil maʼlumot berildi.

Korrupsiyaga qarshi kurashish agentligi

Axborot xizmati