Joriy yilning 30-yanvar kunidan boshlab Jahon Banki ekspertlarining “O‘zbekistonda korrupsiyaga qarshi kurashish bo‘yicha institutsional salohiyatni mustahkamlash - konsalting xizmatlari va tahliliy xizmatlar” topshirig‘i bo‘yicha missiyasi o‘z ishini boshladi.

 
Missiyaning asosiy maqsadi - Jahon Banki vakillari tomonidan O‘zbekiston Respublikasi Korrupsiyaga qarshi kurashish agentligini institutsional baholash, shu jumladan, suhbatlar o‘tkazish, maʼlumotlarni yig‘ish va taqdim etish bo‘yicha texnik uchrashuvlarni olib borishdan iborat.
 Uchrashuvlarning dastlabkisi Agentlik direktori A.Burxanov ishtirokida o‘tkazilib, unda Agentlikni institutsional baholashning ko‘lami, vazifalari, jadvali, missiyadan kutilayotgan natijalar yuzasidan fikr almashildi.

Korrupsiyaga qarshi kurashish agentligi

Axborot xizmati