O‘zbekiston Respublikasi Prezidentining 2021-yil 16-iyundagi PF-6247-son Farmoni  bilan tasdiqlangan Ochiq maʼlumotlar sifatida joylashtirilishi kerak bo‘lgan ijtimoiy ahamiyatga molik maʼlumotlar ro'yxatiga muvofiq, maxsus avtomatlashtirilgan foto va video qayd etish dasturiy-texnik vositalari o‘rnatilgan aniq manzillar, individual tartibda har bir dasturiy-texnik vositasi qayd etadigan yo‘l harakati qoidalari buzilishi turi to‘g‘risidagi maʼlumotlar ochiq eʼlon qilinishi belgilangan.

Korrupsiyaga qarshi kurashish agentligi tomonidan mazkur maʼlumotlarning ochiqlanish holati bo‘yicha muntazam monitoring olib borilmoqda.

Shunga ko‘ra, Ichki ishlar vazirligi tomonidan joriy yilning 25-iyul kuni holatiga Respublika hududida ishga tushirilgan onlayn rejimida ishlovchi fotoradarlar va intellektual rejimida ishlovchi kameralar to‘g‘risida eʼlon qilingan maʼlumot  Agentlik tomonidan tahlil qilindi.

Maʼlum bo‘lishicha, bugungi kunda respublika bo‘yicha jami 746 ta onlayn rejimida ishlovchi fotoradarlar va intellektual rejimida ishlovchi kameralar ishga tushirilgan.

Shuningdek, fotoradarlar va intellektual rejimida ishlovchi kameralarning 23 tasi yo‘l harakati qoidalariga rioya etilishini nazorat qiluvchi, 723 tasi ruxsat etilgan harakatlanish tezligiga hamda yo‘l harakati qoidalariga rioya etilishini nazorat qilishga mo‘ljallangan statsionar radarlarni tashkil etadi.

Batafsil ma'lumotlar bilan bu yerda tanishish mumkin. 

Korrupsiyaga qarshi kurashish agentligi

Axborot xizmati