Korrupsiyaga qarshi kurashish agentligida “Xalq bilan muloqot” qilish tamoyilining keng tatbiq etilishi orqali aholining talab va takliflarini o‘rganish, ularning dardlarini tinglash, muammolarini hal etish choralarini ko‘rish ishlari muntazam amalga oshirib kelinmoqda.

Xususan, bugun Agentlik direktori A.Burxanovning navbatdagi shaxsiy qabuli bo‘lib o‘tdi. Fuqarolar o‘z murojaatlarida asosan sud-huquq  masalalari bo‘yicha hamda davlat organlari, mahalliy hokimliklarda murojaatlarining to‘liq va xolisona ko‘rib chiqilmayotganligidan  hamda turli korrupsiyaviy holatlardan noroziliklar bildirishdi.

Qabulda fuqarolarning murojaatlari to‘liq tinglanib, muammolarning yechimi bo‘yicha tegishli huquqiy tushuntirish va maslahatlar berildi. Ijrosi o‘rganish va vaqt talab qiladigan murojaatlar bo‘yicha fuqarolardan tegishli tartibda ariza va shikoyatlar qabul qilinib, ijrosi qatʼiy nazoratga olindi.

Korrupsiyaga qarshi kurashish agentligi

Axborot xizmati