Ўзбекистон Республикаси Президентининг 29 июнь 2020 йилдаги ПФ-6013-сонли Фармонига асосан Коррупцияга қарши курашиш агентлиги ташкил топиб, коррупциянинг олдини олиш ва унга қарши курашиш соҳасида давлат сиёсатини шакллантириш ва амалга ошириш, давлат органлари, оммавий ахборот воситалари, фуқаролик жамияти институтлари ва бошқа нодавлат сектор вакилларининг биргаликдаги самарали фаолиятини таъминлаш, шунингдек, мазкур соҳадаги халқаро ҳамкорлик учун масъул бўлган махсус ваколатли давлат органи этиб белгиланган.

Агентликни асосий вазифаларидан бири - коррупциянинг олдини олиш ва унга қарши курашиш соҳасида халқаро ҳамкорликни ривожлантириш ҳамда мамлакатнинг имиджини мустаҳкамлаш ва унинг халқаро рейтинглардаги ўрнини ошириш бўйича тизимли чора-тадбирларни амалга ошириш ҳисобланади.

Бугунги кунда Агентлик қатор ташкилотлар билан ҳалқаро ҳамкорлик алоқаларини йўлга қўйди:

• Бирлашган Миллатлар Ташкилотининг Ўзбекистондаги ваколатхонаси,
• Бирлашган Миллатлар Ташкилотининг Тараққиёт дастурининг Ўзбекистондаги ваколатхонаси (БМТ ТД),
• Бирлашган Миллатлар Ташкилотининг Гиёҳванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси (БМТ ГЖБ),
• Бирлашган Миллатлар Ташкилотнинг Болалар жамғармаси (ЮНИСЕФ),
• Европада хавфсизлик ва ҳамкорлик ташкилотининг (ЕХҲТ) Ўзбекистондаги лойиҳалар координатори идораси,
• Иқтисодий ҳамкорлик ва тараққиёт ташкилоти
• Европа иттифоқи делегацияси ваколатхонаси
• Европа кенгаши ҳамда АҚШ Давлат департаментининг наркотик моддалар ва ҳуқуқни муҳофаза қилиш масалалари бўйича бюроси (INL)
• АҚШ Халқаро тараққиёт агентлиги (USAID)
• Жаҳон банки
• Халқаро валюта жамғармаси
• Европа тикланиш ва тараққиёт банки
• Германиянинг Конрад Аденауэр номидаги жамғармасининг Ўзбекистон Республикасидаги ваколатхонаси
• Словениянинг “Минтақавий мулоқот” халқаро нодавлат ташкилоти

Халқаро ташкилотлар кўмагида 3 та Ўзбекистон Республикаси қонуни лойиҳалари, 2 та Вазирлар Маҳкамаси лойиҳалари ва бошқа ҳужжатлар, жумладан, Инвестиция лойиҳаларини коррупцияга қарши экспертизадан ўтказиш методологияси ҳамда Ўзбекистоннинг коррупцияни қабул қилиш Миллий индекси методологияси лойиҳалари ишлаб чиқилди.

Халқаро ҳамкорлик доирасида имзоланган ҳужжатлар:

2020-2021 йиллар давомида Коррупцияга қарши курашиш агентлиги томонидан халқаро ҳамкорликка оид 8 та  меморандумлар имзоланди:

• 2020 йил 7 декабрь Ўзбекистон Республикаси Коррупцияга карши курашиш агентлиги ва Конрад Аденауэр номидаги жамғарманинг Ўзбекистон Республикасидаги ваколатхонаси ўртасида Ҳамкорлик меморандуми;
• 2021 йил 5 июнь Агентлик ва Тожикистон Республикаси Давлат молиявий назорати ва коррупцияга қарши курашиш агентлиги ўртасида Англашув меморандуми;
• 2021 йил 16 июнь Агентлик ва Қозоғистон Республикаси Коррупцияга қарши курашиш агентлиги ўртасида Англашув ва ҳамкорлик меморандуми;
• 2021 йил 11 октябрь Словения Республикаси Коррупцияни олдини олиш комиссияси ва Ўзбекистон Республикаси Коррупцияга қарши     курашиш агентлиги ўртасидаги Англашув меморандуми;
• 2021 йил 28 октябрь Агентлик, Буюк Британия ва Шимолий Ирландия Бирлашган Қироллиги хукумати томонидан Буюк Британиянинг Тошкентдаги элчихонаси ва Ҳукуматлараро Ҳамкорлик Хизмати ўртасида ҳамкорлик ўрнатиш юзасидан Англашув меморандуми;
• 2021 йил 17 ноябрь Агентлик ва Европада хавфсизлик ва ҳамкорлик ташкилоти ўртасидаги Англашув меморандуми;
• 2021 йил 18 ноябрь Халқаро коррупцияга қарши академияси ва Ўзбекистон Республикаси Коррупцияга қарши курашиш агентлиги  ўртасида Англашув меморандуми;
• 2021 йил 1 декабрь Агентлик ва Озарбайжон Республикаси Бош прокурори ҳузуридаги коррупцияга қарши курашиш бош бошқармаси ўртасидаги коррупцияга қарши курашиш бўйича Англашув    меморандуми.
• 2022 йил 12 май Агентлик ва Малайзия Коррупцияга қарши курашиш комиссияси ўртасида ўзаро англашув меморандуми.
• 2022 йил 24 май Агентлик ва Латвия Коррупциянинг олдини олиш ва унга қарши курашиш бюроси.

Халқаро алоқалар йўлга қўйилган хориж давлатларининг идора ва ташкилотлари:

• Малайзия коррупцияга қарши курашиш комиссияси;
• Корея Республикасининг Коррупцияга қарши курашиш ва фуқаролик ҳуқуқлари бўйича комиссияси;
• Франция Коррупцияга қарши курашиш агентлиги;
• Хитой Халқ Республикаси Миллий назорат комиссияси;
• АҚШ Давлат департаментининг Халқаро наркотик ва ҳуқуқни муҳофаза қилиш масалалари бўйича бюроси;
• Сингапур Коррупция жиноятларини тергов қилиш бюроси;
• Латвия Республикаси Коррупциянинг олдини олиш ва унга қарши курашиш бюроси;
• Қозоғистон Республикаси Коррупцияга қарши курашиш агентлиги;
• Тожикистон Давлат молиявий назорати ва коррупцияга қарши курашиш агентлиги;
• Озарбайжон Республикаси Коррупцияга қарши курашиш бош бошқармаси;
• Украина Коррупциянинг олдини олиш миллий агентлиги, Коррупцияга қарши курашиш бюроси;
• Молдова Республикаси Коррупцияга қарши курашиш миллий маркази;
• Афғонистон Коррупцияга қарши курашиш комиссияси;
• Эрон Ислом Республикаси Бош инспекцияси ташкилоти;
• Покистон Миллий ҳисобдорлик бюроси;
• Словения Республикаси Коррупциянинг олдини олиш комиссияси;
• Миср Маъмурий назорат идораси ва Коррупцияга қарши курашиш академияси
• Германия Федерал Ички ишлар вазирлиги, Германия Халқаро ҳуқуқий ҳамкорлик жамғармаси ва бошқалар.

  Агентликка Иқтисодий ҳамкорлик ва тараққиёт ташкилотининг Шарқий Европа ва Марказий Осиё мамлакатлари учун коррупцияга қарши курашиш бўйича тармоғининг Истанбул ҳаракатлар дастури доирасидаги ишлар ҳамда ишлаб чиқилган тавсияларнинг амалга оширилишини таъминлаш ҳамда БМТнинг Коррупцияга қарши конвенцияси ва Ўзбекистон Республикасининг коррупцияга қарши курашиш соҳасидаги бошқа халқаро шартномалари қоидаларининг бажарилиши билан боғлиқ чора-тадбирларни амалга ошириш ҳамда ушбу йўналишдаги фаолиятни мувофиқлаштириш бўйича Ўзбекистон Республикаси миллий координатори вазифа ва ваколатлари юклатилган. Бугунги кунда БМТнинг Наркотиклар ва жиноятчилик бўйича бошқармаси Конвенциянинг II ва V бобларининг Ўзбекистон томонидан бажарилиш ҳолатини кўриб чиқмоқда.