Ozarbayjon Respublikasida tashrif bilan bo‘lib turgan O‘zbekiston Respublikasi Korrupsiyaga qarshi kurashish agentligi delegatsiyasi joriy yilning 21 may kuni Ichki ishlar vazirligi rahbariyati bilan uchrashuv o‘tkazdi.

Uchrashuv davomida korrupsiyaning oldini olish va unga qarshi kurashish, bu borada ichki ishlar organlarining o‘rni, xususan, huquqbuzarliklar profilaktikasini amalga oshirish hamda korrupsiyaga qarshi kurashishda ichki ishlar organlari tomonidan amalga oshirilayotgan ishlar yuzasidan fikr almashildi.

Shuningdek, ichki ishlar organlari tizimida korrupsiyaga qarshi kurashish tizimi samaradorligi, tezkor qidiruv faoliyatida korrupsiyaviy xavf-xatarlarni aniqlash, ichki ishlar organlarining korrupsiyaga qarshi kurashish sohasida faoliyat yurituvchi boshqa davlat idoralari bilan hamkorlik mexanizmlari muhokama qilindi.
 

Uchrashuvda delegatsiya a’zolari ichki ishlar organalari faoliyatini takomillashtirish va bu borada korrupsiyaga qarshi kurashish tizimini kuchaytirish yuzasidan qabul qilingan tegishli Davlat dasturi bilan tanishdilar.            

Uchrashuvlar davom etmoqda.