Joriy yilning 11-mart kuni Agentlik rahbariyati, Shveysariyaning Oʻzbekistondagi vakolatxonasi va BMT Taraqqiyot dasturi vakillari oʻrtasida uch tomonlama uchrashuv tashkil etildi.

Uchrashuvni tashkillashtirishdan asosiy maqsad kelgusidagi hamkorlik aloqalarini kuchaytirish, Shveysariya hukumati va BMT Taraqqiyot dasturi hamkorligida Oʻzbekistonga korrupsiyaga qarshi kurashish sohasida texnik yordam koʻrsatish, shuningdek, sohaga oid Shveysariya tajribasini oʻrganish masalalarni muhokama qilish boʻldi.
Uchrashuvni Agentlik direktori ochib, xorijiy hamkorlarga Oʻzbekistonda korrupsiyaga qarshi kurashish sohasida amalga oshirilayotgan ishlar va soʻnggi islohotlar haqida maʼlumot berdi.

Shuningdek, uchrashuv davomida Shveysariyaning Markaziy Osiyo uchun 2022-2025-yillarga moʻljallangan hamkorlik dasturi doirasida oʻzaro aloqalarni rivojlantirish yuzasidan takliflar ilgari surildi.
Xususan, iqtisodiyotning muhim tarmoqlarida korrupsiyaga qarshi kurashish tizimini takomillashtirish, davlat ulushi boʻlgan korxonalarda komplayens-nazorat tizimini joriy etishni davom ettirish hamda  biznesda korrupsiyaga qarshi kurashish samaradorligini oshirish masalalari muhokama qilindi.

Uchrashuv yakunida tomonlar ushbu yoʻnalishlarda oʻzaro hamkorlikni davom ettirishga kelishib oldilar.

Korrupsiyaga qarshi kurashish agentligi

Axborot xizmati