Joriy yilning 15-mart kuni Agentlik va Jahon banki vakillari oʻrtasida hamkorlikning aniq yoʻnalishlarini belgilab olish maqsadida uchrashuv tashkil etildi. 

Maʼlumot uchun: Jahon banki vitse-prezidenti Anna Byerdening 2021-yil 14-19-may kunlari Oʻzbekistonga tashrifi chogʻida erishilgan kelishuvlarni amalga oshirish maqsadida tasdiqlangan «Yoʻl xaritasi»ga binoan Agentlikka Jahon banki hamkorligida Korrupsiyaga qarshi kurashishning institutsional salohiyatini kuchaytirish vazifasi belgilangan.

Tadbirda Agentlik tomonidan masʼul tarmoq vakillari, Jahon banki tomonidan esa bankning moliyaviy menejment boʻyicha katta mutaxassisi Elbek Yusupov, Laura Pop va Daniyela Felkmanlar ishtirok etdi.

Uchrashuv davomida korrupsion xavf-xatarlarni aniqlash, deklaratsiyalash, jamoatchilik bilan ishlash hamda bojxona sohasida komplayens tizimini va oʻquv kurslarini joriy etish kabi yoʻnalishlarda Agentlikka ekspertlik koʻmak koʻrsatish masalalari muhokama qilindi. 

Muloqot yakunida tomonlar oʻzaro hamkorlik doirasida aniq loyihalarni ishlab chiqishga va ekspertlik koʻmagini tez fursatlarda ishga tushirishga kelishib oldilar.

Korrupsiyaga qarshi kurashish agentligi
Axborot xizmati