Joriy yilning 23-mart kuni Korrupsiyaga qarshi kurashish agentligi direktori A.Burxanov Oʻzbekiston Respublikasi Prezidentining iqtisodiy rivojlanish, samarali boshqaruv va xalqaro hamkorlik masalalari boʻyicha maslahatchisi Suma Chakrabartini qabul qildi.

Uchrashuvda Agentlik direktori korrupsiyaga qarshi kurashish sohasidagi soʻnggi oʻzgarishlar, amalga oshirilgan islohotlar, qabul qilingan normativ-huquqiy hujjatlar, qolaversa? Agentlikka yuklatilgan vazifalar, mamlakatda korrupsiya illatini yoʻq qilishda joriy etilayotgan yangi mexanizmlar hamda sohani takomillashtirish boʻyicha qilinishi lozim boʻlgan ishlar toʻgʻrisida maʼlumot berib oʻtdi.
Maʼlumot uchun: 2021-yilning iyul-sentyabr oylari davomida Agentlik hamda Oʻzbekiston Respublikasi Prezidenti maslahatchisi S.Chakrabartining Oʻzbekistondagi idorasi vakillari ishtirokida onlayn va offlayn uchrashuvlar boʻlib oʻtgan edi.            

Shuningdek, S.Chakrabarti va xalqaro ekspertlar tomonidan korrupsiyaga qarshi kurashish sohasida qisqa davr ichida amalga oshirilgan ishlar yuqori baholanib, Agentlik faoliyatini yanada takomillashtirish boʻyicha ekspertlik yordamini taqdim etishyuzasidan kelishuvga erishildi.  Jumladan, Agentlik vakolatlari hamda salohiyatini mustaqil baholashda amaliy yordam koʻrsatilishini taʼkidladilar.

Oʻzaro muloqot tarzida tashkil etilgan mazkur uchrashuv yakunida tomonlar sohadagi ustuvor yoʻnalishlarni amaliyotga tatbiq etilishi borasida doimiy ish olib borishga kelishib oldilar.

Korrupsiyaga qarshi kurashish agentligi

Axborot xizmati