Delegatsiya aʼzolari "Pioner" instituti (Pioneer Institute) ijrochi direktori Dim Stergios bilan uchrashdi. 

Mazkur Institut AQSHning korrupsiyaga qarshi qarshi kurash sohasida faoliyat yurituvchi muhim tahlil markazlaridan biri hisoblanadi. 

Qayd etilishicha, Institut tomonidan taqdim etilgan tahlil natijalari 1990-yillarning boshlarida Massachusets shtatidagi taʼlim tizimidagi oʻzgarishlarga kuchli taʼsir koʻrsatgan.

Uchrashuvda sogʻliqni saqlash siyosati, yangi ish oʻrinlari yaratish va tadbirkorlik faoliyatini tashkil etish, samarali davlat va mahalliy boshqaruv, ijtimoiy taʼminotni isloh qilish, davlat pensiya taʼminoti, davlat moliyasi, davlat boshqaruvi shaffofligini taʼminlash boʻyicha olib borilgan tadqiqotlar va ularning natijalari yuzasidan muloqot qilindi.

Uchrashuv yakunlariga koʻra, Agentlik va Institut oʻrtasida oʻzaro hamkorlik aloqalarini yoʻlga qoʻyish, xususan, ochiqlik va shaffoflik yoʻnalishlarida qoʻshma tadqiqotlarni amalga oshirish, fuqarolik jamiyati institutlari va tahlil markazlari tomonidan korrupsiyaga qarshi kurashish boʻyicha tadqiqotlarni qoʻllab-quvvatlash boʻyicha bir qator kelishuvlarga erishildi. 
Shuningdek, Institut direktori joriy yil Toshkent shahrida boʻlib oʻtadigan Ochiqlik va shaffoflik boʻyicha 2-forumida ishtirok etishini maʼlum qildi.

Korrupsiyaga qarshi kurashish agentligi

Axborot xizmati