Xalq bilan ochiq muloqot qilish, aholining talab va takliflarini oʼrganish, ularning dardlarini tinglash, muammolarni imkon darajasida hal etish Korrupsiyaga qarshi kurashish agentligining muhim vazifalaridan biri hisoblanadi.

Аgentlik rahbariyati va masʼullari tomonidan muntazam oʼtkazib kelinayotgan shaxsiy qabullar, Аgentlikka murojaat qilib kelayotgan jismoniy va yuridik shaxslarning huquqlari, erkinliklari, qonuniy manfaatlarini himoya qilish borasidagi vazifalarni roʼyobga chiqarishda muhim ahamiyat kasb etadi.

Jumladan, bugun Аgentlik direktori А.Burxanovning navbatdagi shaxsiy qabuli boʼlib oʼtdi. Fuqarolar oʼz murojaatlarida asosan sud qarorlaridan hamda turli davlat organlari, mahalliy hokimliklarda murojaatlarining toʼliq va xolisona koʼrib chiqilmayotganligidan  hamda korrupsiyaviy holatlardan noroziliklar bildirishdi.

Qabulda fuqarolarning murojaatlari toʼliq tinglanib, muammolarning yechimi boʼyicha tegishli huquqiy tushuntirish va maslahatlar berildi. Ijrosi oʼrganish va vaqt talab qiladigan murojaatlar boʼyicha fuqarolardan tegishli tartibda ariza va shikoyatlar qabul qilinib, ijrosi qatʼiy nazoratga olindi. 

Davlat organlarining “Xalq bilan muloqot” qilishi tamoyilini hayotga tatbiq etish uchun tashkil etilayotgan bunday qabullar aholi muammolarining oʼz vaqtida hal etilishiga xizmat qiladi hamda murojaatlarda koʼrsatib oʼtilayotgan korrupsiyaviy holatlarni keltirib chiqarayotgan omillarni tahlil qilgan holda ularni bartaraf etish uchun tegishli chora-tadbirlarning ishlab chiqilishiga zamin yaratadi. 

Korrupsiyaga qarshi kurashish agentligi

Аxborot xizmati