Jismoniy va yuridik shaxslarning murojaatlarini koʻrib chiqilishini taʼminlash, ular bilan toʻgʻridan-toʻgʻri va ochiq muloqotni yoʻlga qoʻyish maqsadida Korrupsiyaga qarshi kurashish agentligi  direktori tomonidan muntazam ravishda fuqarolar qabuli oʻtkazib kelinmoqda. 

Bu esa aholi muammolarini oʻz vaqtida hal etish, inson huquq va manfaatlarini himoya qilishning eng maqbul yoʻli sifatida oʻzining amaliy natijalarini bermoqda.

Xususan, yaqinda boʻlib oʻtgan navbatdagi qabulda fuqarolar tomonidan sud qarorlari hamda turli davlat organlari, mahalliy hokimliklarda murojaatlarining toʻliq va xolisona koʻrib chiqilmayotganligi  hamda turli  korrupsiyaviy holatlardan noroziliklar bildirildi. 

Qabulda fuqarolarning murojaatlari toʻliq tinglanib, muammolarning yechimi boʻyicha tegishli huquqiy tushuntirish va maslahatlar berildi. 

Ijrosi oʻrganish va vaqt talab qiladigan murojaatlar boʻyicha fuqarolardan tegishli tartibda ariza va shikoyatlar qabul qilinib, ijrosi qatʼiy nazoratga olindi. 

Davlat organlarining “Xalq bilan muloqot” qilishi tamoyilini hayotga tatbiq etish uchun tashkil etilayotgan bunday qabullar orqali korrupsiyaviy holatlarni keltirib chiqarayotgan omillar tahlil qilinmoqda hamda  ularni bartaraf etish uchun tegishli chora-tadbirlar ishlab chiqilmoqda. 

Eng muhimi, aholining davlat idoralariga, adolat va haqiqatga ishonchi mustahkamlanmoqda.

Korrupsiyaga qarshi kurashish agentligi

Axborot agentligi