Korrupsiyaga qarshi kurashish agentligi va Davlat bojxona qoʻmitasi hamkorligida hududlarda muntazam tashkil etib kelinayotgan oʻquv seminar-treninglarda ana shu savol atrofida mulohazalar bildirilib, muhokamalar boʻlib oʻtmoqda. 

Bunday tadbirlarning navbatdagisi Qoʻmitaning Shaxsiy xavfsizlik boshqarmasi bilan birgalikda Toshkent shahri bojxona boshqarmasi apparati, “Toshkent-tovar”, “Chuqursoy”, “Ark buloq”, “Sirgʻali” TIF hamda “Chuqursoy texnik idora” va “Keles” temir yoʻl chegara bojxona postlari xodimlari ishtirokida oʻtkazildi. 

Tadbirda korrupsiyaga qarshi kurashish borasidagi davlat siyosati va uning ustuvor yoʻnalishlari, ushbu yoʻnalishdagi xalqaro tajriba hamda kelgusidagi vazifalar yuzasidan atroflicha maʼlumot berildi. 

Shuningdek, bojxona tizimida korrupsiyaviy holatlarni keltirib chiqaradigan omillar hamda bojxona xodimlari faoliyatida yoʻl qoʻyilgan salbiy holatlar aniq misollar orqali atroflicha muhokama qilindi. 

Seminar-trening davomida korrupsion xavflar tendensiyalarini baholab borish hamda xodimlar oʻrtasidagi axloqiy-ruhiy muhitni yaxshilash maqsadida xodimlar bilan ijtimoiy soʻrovnomalar ham oʻtkazildi.

Tadbir yakunida boshqarmada korrupsiyaning oldini olish, unga qarshi murosasiz kurashish maqsadida kelgusida amalga oshirilishi lozim boʻlgan chora-tadbirlar belgilab olindi.

Korrupsiyaga qarshi kurashish agentligi

Axborot xizmati