Oʻzbekiston Respublikasi Korrupsiyaga qarshi kurashish agentligi, Adliya vazirligi, Bosh Prokuratura va BMTTD tomonidan fuqarolik jamiyati institutlari va ommaviy axborot vositalari oʻrtasida korrupsiyaning oldini olish va unga qarshi kurashish sohasida “Fuqarolik jamiyati institutlarini korrupsiyaga qarshi kurashish va oldini olishda innovatsiyalarni ishlab chiqish va joriy etish jarayoniga jalb qilish” qoʻshma tanlovining natijalari ma’lum boʻldi. 

Ma’lumot uchun: Tanlov “Oʻzbekistonda samarali, hisob beruvchi va shaffof boshqaruv institutlari orqali korrupsiyaga qarshi kurashish” va “Oʻzbekistonda korrupsiyaga qarshi kurashish agentligi rolini oshirish uchun fuqarolik makonini, ayollar va yoshlar ovozini mustahkamlash” loyihalari doirasida tashkil etildi. 

17-iyundan 10-iyulgacha Grant olish uchun 18 ta NNTdan arizalar kelib tushdi.

Baholash komissiyasi qaroriga koʻra quyidagi NNT takliflari yuqori ball oldi:

1. “Taraqqiyot strategiyasi” markazi NNT (Toshkent sh.)
Loyiha: Maktabgacha ta’lim muassasalari tarbiyalanuvchilari uchun halollik tushunchalarini singdirish

2. “Chexra” ayollar va bolalarni ijtimoiy-huquqiy qoʻllab-quvvatlash markazi NNT (Fargʻona viloyati)
Loyiha: Fargʻona viloyatida kichik yoshdagi maktab oʻquvchilarini korrupsiyaga qarshi oʻqitish 

3. “Muloqot” jamoat birlashmasi NNT (Toshkent sh.)
Loyiha: “Korrupsiyaga qarshi alifbo” illyustratsiyali elektron qoʻllanmasini ishlab chiqish.

4. “Istiqbolli avlod” Respublika ijtimoiy axborot markazi Sirdaryo viloyati filiali (Sirdaryo viloyati).
Loyiha: Sirdaryo viloyatida  ayollar (NNT yetakchilari) va yoshlarni (NNT koʻngillilari va faol talabalar) jalb etgan holda Korrupsiyaga qarshi kurashish targʻibotini kuchaytirish, aholida murosasizlik kayfiyatini shakllantirish 

5. “Ziyonur” Fargʻona viloyati ayollar va oʻsmirlarni ijtimoiy, huquqiy va ekologik qoʻllab-quvvatlash markazi NNT.
Loyiha: Korrupsiya - taraqqiyot zavoli.

6. “Inson huquqlari madaniyati markazi” NNT (Toshkent, Buxoro, Navoiy viloyatlari).
Loyiha: Korrupsiyaga qarshi kurashda jamoatchilik nazorati va matbuotning oʻrni.

7. “Toshkent ayollar tadbirkorlik markazi” NNT.
Loyiha: Korrupsiyaga qarshi kurashda ayollar immunitetini mustahkamlash.

8. Respublika yosh olimlar kengashi (Toshkent sh.)
Loyiha: “Korrupsiyaga qarshi kurashishda yoshlarda daxldorlik hissini kuchaytiruvchi ilmiy-nazariy metodologiyani ishlab chiqish va targʻib etish” loyihasi.

9. “Taraqqiyot” NNT (Buxoro).
Loyiha: Aksilkorrupsiyaviy birdamlik (Korrupsiyaga qarshi kovorking markazini yaratish).

Barcha qatnashchilarga faol ishtiroki va yuborilgan gʻoyalari uchun minnatdorchilik bildiriladi!