O‘zbekiston Respublikasi Prezidentining 2022-yil 12-yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari to‘g‘risida”gi PQ-81-son qaroriga asosan Korrupsiyaga qarshi kurashish agentligi tomonidan joriy yil yakuniga koʻra davlat organlarining korrupsiyaga qarshi kurashish bo‘yicha faoliyati samaradorligini reyting baholash ishlari amalga oshiriladi.  

Mazkur jarayonlarning xolisligi va shaffofligini taʼminlash maqsadida reyting baholashni mustaqil amalga oshiruvchi ekspertlar guruhini shakllantirish rejalashtirilgan.

Ekspertlar qoida tariqasida quyidagi talablarga javob berishi kerak:

➖O‘zbekiston Respublikasi fuqarosi bo‘lishi;

➖oliy maʼlumotga;

➖mutaxassisligi bo‘yicha kamida 5 yillik ish stajiga;

➖korrupsiyaning oldini olish va unga qarshi kurashish sohasida bilim-ko‘nikmalarga ega bo‘lishi.

Ekspertlar guruhi Agentlik direktori buyrug‘iga asosan  kishidan iborat tarkibda shakllantirilib, uning kamida nafar aʼzosi guruh ishida ishtirok etishni bildirgan fuqarolik jamiyati institutlari vakillari orasidan tanlab olinadi.

Shunga koʼra, ekspertlar guruhi ishida ishtirok etish istagida boʼlsangiz, ushbu arizani to‘ldirib, info@anticorruption.uz elektron pochta manziliga yuborishingizni so‘raymiz.

Arizalar 2022-yil 15-noyabrga qadar qabul qilinadi.

Korrupsiyaga qarshi kurashish agentligi

Аxborot xizmati