Joriy yilning 27-28 oktabr kunlari Qozogʼistonning Ostona shahrida “Yevropa va Markaziy Osiyoda xalqaro hamkorlikni kuchaytirish orqali aktivlarni qaytarish” mavzusida mintaqaviy seminar tashkil etildi. 

"Shaffoflikni qoʼllab-quvvatlash va iqtisodiy jinoyatlarga qarshi kurashish (CA TAEC)” loyihasi doirasida tashkil etilyotgan seminarda Yevropa va Markaziy Osiyodagi huquq-tartibot idoralari vakillari, Yevropa Kengashi ekspertlari xususan Oʼzbekiston Korrupsiyaga qarshi kurashish agentligi vakillari ham ishtirok etdi. 

Maʼlumot uchun: CA TAEC loyihasi Yevropa Kengashi va Yevropa Ittifoqi tomonidan birgalikda amalga oshirilayotgan Markaziy Osiyoda qonun ustuvorligi dasturining bir qismidir. Loyiha Markaziy Osiyoning beshta davlatida (Qozogʼiston, Qirgʼiziston, Tojikiston, Turkmaniston va Oʼzbekiston) mintaqaviy va davlat ustuvorliklariga muvofiq iqtisodiy jinoyatlar va korruptsiyaga qarshi kurashish va ularning oldini olish salohiyatini kuchaytirishga qaratilgan. 

Seminar davomida korrupsiya, jinoiy faoliyatdan olingan daromadlarni legallashtirishning yangi vositalari va mexanizmlarini, shu jumladan, aktivlarni qaytarish tizimini takomillashtirish, musodara qilingan resurslarning toʼgʼridan-toʼgʼri olib qoʼyilishi va qaytarilishini taʼminlovchi huquqiy va tashkiliy bazani ishlab chiqish, aktivlarni boshqarish va sotish amaliyoti kabi mavzularda maʼruzalar oʼzaro fikr almashishdi.

Korrupsiyaga qarshi kurashish agentligi

Аxborot xizmati