Biznes va tadbirkorlik oliy maktabida Milliy kadrlar zaxirasiga kiritilgan tegishli nomzodlar (hokim oʻrinbosarlari, boshqarma boshliqlari, sektor rahbarlari) uchun navbatdagi malaka oshirish kurslari boʻlib oʻtmoqda. 

Tinglovchilarga huquqiy, ijtimoiy, siyosiy sohalardagi davlat siyosatining asosiy yoʻnalishlari xususida amaliy va nazariy koʻnikmalar berilmoqda.

16-noyabr kuni boʻlib oʻtgan ma’ruzalar qatorida Agentlik direktori oʻrinbosari U.Tuxtasheva tomonidan “Korrupsiyaga qarshi kurashishdagi davlat siyosatining asosiy yoʻnalishlari” toʻgʻrisida ma’lumot berildi. 

Ma’ruza davomida ushbu yoʻnalishdagi qabul qilingan hujjatlar, ularning aholi ijtimoiy-siyosiy hayotga ta’siri, bu boradagi xalqaro standartlar va xorijiy tajriba toʻgʻrisida toʻxtalib oʻtildi. 

Shu bilan birga zahira kadrlar tashkilot yoki hudud rahbari sifatida oʻz muassasasida korrupsiyani oldini olish borasidagi amalga oshirishi lozim boʻlgan choralar, korrupsiyaga qarshi ichki nazorat tuzilmalari faoliyatini samarali yoʻlga qoʻyish haqida ham fikr almashildi. 

Ma’ruza davomida ommaviy axborot vositalari va keng jamoatchilikni ushbu jarayonlarga jalb etish muhimligi va usullari haqida ham fikrlar tinglandi.

Korrupsiyaga qarshi kurashish agentligi

Axborot xizmati