“TRACE International” xalqaro assotsiatsiyasi 2022-yilning “Biznesda poraxo‘rlik xavfi” global indeksini eʼlon qildi. Unga ko‘ra O‘zbekiston 58 ball bilan 131- o‘ringacha ko‘tarilgan, 2021-yilda esa 59 ball bilan (1 balldan 100 ballgacha baholanadi, 1 ball – eng ijobiy) 147-o‘rinni egallab turgan edi.

Maʼlumot uchun: TRACE Matrix indeksi TRACE International tashkiloti tomonidan kompaniyalarga maʼlum bir mamlakatda biznes yuritishda korrupsiyaga duch kelish xavfini baholashga imkon beradigan vosita sifatida ishlab chiqilgan bo‘lib, Indeks 2014-yildan beri muntazam ravishda eʼlon qilinib kelinmoqda.

Bu yilgi maʼlumotlarga ko‘ra, Shimoliy Koreya, Turkmaniston, Ekvatorial Gvineya, Suriya va Venesuelada tijoriy poraxo‘rlik xavfi eng yuqori, Norvegiya, Yangi Zelandiya, Shvetsiya, Shveysariya va Daniya esa eng past ko‘rsatkichlarga ega.

Taʼkidlash joizki, mintaqamizda indeksdagi ijobiy o‘zgarishlar faqat ikki davlatda, jumladan, O‘zbekistonda kuzatilmoqda.

Korrupsiyaga qarshi kurashish agentligi

Axborot xizmati