Pillachilik va tutchilik sohasida tadbirkorlik subyektlariga subsidiya berish tizimining shaffofligini taʼminlash, sohaga oid qonunchilik hujjatlarida aniqlangan korrupsiyaviy omillarga chek qo‘yish maqsadida, 2022-yil 23-dekabrda Vazirlar Mahkamasining “Qonunchilik hujjatlarida korrupsiyaviy normalarni aniqlash va bartaraf etish tizimi takomillashtirilishi munosabati bilan Pillachilik va tutchilik tashkilotlariga tutzorlarda suvni tejaydigan sug‘orish texnologiyalarini joriy qilish uchun sarflangan xarajatlarning bir qismini qoplash tartibi to‘g‘risidagi nizomga o‘zgartirish va qo‘shimchalar kiritish haqida”gi qarori qabul qilindi.

Mazkur qaror bilan amaldagi qonunchilikka korrupsiyaviy omillarni bartaraf etishga qaratilgan bir qator o‘zgartirishlar kiritilmoqda.

Xususan:

- pillachilik va tutchilik tashkilotlariga tutzorlarda suvni tejaydigan sug‘orish texnologiyalarini joriy qilish uchun sarflangan xarajatlarning bir qismini qoplash uchun subsidiya ajratish maxsus Tuman ishchi guruhi tomonidan ko‘rib chiqilishi belgilanmoqda.

Ishchi guruh tarkibiga pillachilik va tutchilik tashkilotlarining ustav fondidagi ulushlarga yoki aksiyalarga egalik qiladigan yoxud boshqaruv organi va kuzatuv kengashiga o‘zi yoki yaqin qarindoshlari aʼzo bo‘lgan shaxslarning kiritilishi taqiqlanmoqda.

- subsidiya olish uchun talabgor bo‘lgan tadbirkorlik subyektlari Ishchi guruhning ishchi organiga arizani bevosita, pochta xizmati orqali yoki elektron shaklda taqdim etishi mumkinligi belgilanmoqda.

Mazkur o‘zgartirishlar sohada inson omilini kamaytirishga, shuningdek, qarindosh-urug‘chilik (nepotizm) va favoritizm kabi korrupsiyani keltirib chiqaruvchi omillarni bartaraf etishga xizmat qiladi.

Korrupsiyaga qarshi kurashish agentligi

Axborot xizmati