Tahlillarga ko‘ra, 2022-yilda respublika bo‘yicha sudlar tomonidan jami 4607 ta korrupsiyaga oid jinoyatlar ko‘rilgan bo‘lib, 7 414 nafar shaxslar javobgarlikka tortilgan va ularning 1 482 nafari yoki 20 foizi ozodlikdan mahrum etilgan.

Hududlar bo‘yicha tahlil qilinganda Qashqadaryo viloyati (563 ta), Andijon viloyati (553 ta) Namangan viloyati (536 ta), Toshkent viloyati (417 ta) respublikadagi ko‘p korrupsiyaviy jinoyatlar sodir etilgan hududlar hisoblanishi maʼlum bo‘ldi.

Korrupsiyaviy jinoyatlar turlari bo‘yicha 3 670 nafar shaxs o‘zlashtirish yoki rastrata yo‘li bilan talon-toroj qilish, 1 289 nafar shaxs pora berish, 1 162 nafar shaxs firibgarlik, 199 nafar shaxs pora olish, 254 nafar shaxs hokimiyat yoki mansab vakolatini suiisteʼmol qilish, 160 nafar shaxs mansab soxtakorligi, 680 nafar shaxs boshqa jinoyatlar uchun javobgarlikka tortilgani aniqlandi.

Korrupsiyaviy jinoyat sodir etganligi uchun sudlanganlarning eng ko‘pi taʼlim (813 nafar), sog‘liqni saqlash (384 nafar) va bank (381 nafar) sohalariga to‘g‘ri keladi.

Jinoyatlar tahliliga ko‘ra, 2022-yilda korrupsiyaga oid jinoyatlar sodir etganlarning 1 234 nafari muqaddam sudlangan shaxslar bo‘lib, ularning 506 nafari muqaddam korrupsiyaviy jinoyati uchun sudlangan.

Korrupsiyaga qarshi kurashish agentligi

Axborot xizmati