Joriy yilning 24-fevral kuni Agentlik va Buyuk Britaniyaning Xalqaro Hamkorlik Xizmati (GPI) hamkorligida "Davlat xizmatiga ishga qabul qilish. Meritokratiya tamoyili. Xizmatda koʻrsatilgan yutuqlar orqali lavozimda koʻtarilish: Buyuk Britaniya tajribasi" masalalariga bagʻishlangan onlayn seminar tashkil etildi.

Seminarda vazirlik va idoralarning korrupsiyaga qarshi kurashish va “komplayens nazorat” tizimini joriy etish tuzimalari masʼul xodimlari (70 nafar) ishtirok etdi.

Tadbir davomida GPI vakillari Maykl Gallaxer va Kventin Oliver tomonidan taqdimot oʻtkazilib, unda davlat xizmatiga xodimlarni qabul qilish jarayonlari, Assessment, yaʼni baholash markazlarining vazifasi va faoliyati yuzasidan Buyuk Britaniyaning tajribasi oʻrganildi.

Maʼlumot uchun: Assessment-markaz xodimning ishga layoqatli ekanligini tekshiruvchi vazifalar va tadbirlar majmuasi hisoblanadi.

Bunda davlat xizmatiga xodimlarni saralash jarayonining 4 ta bosqichi mavjud boʻlib, har bir vakant muvaffaqiyat profillari tizimiga asosan baholovchilar tomonidan tanlab olinadi. 

Shuningdek, Buyuk Britaniyada davlat fuqarolik xizmatidagi xulq-atvor tizimi va undagi STAR (SituationTaskActionResult) modelining amalda qoʻllanilishi toʻgʻrisida aniq misollar bilan maʼlumot berildi. Oʻz oʻrnida, Oʻzbekistonda davlat xizmatiga ishga qabul qilish yoʻnalishiga oid maʼlumotlar boʻyicha ham fikr almashildi

Korrupsiyaga qarshi kurashish agentligi 
Axborot xizmati